Eric Singson hinkho thusim: (Min kikhel)
Eric Singson hi Christian insunga kona hung seilen ahin, ama chenna kho ahileh Kingkin, Churachandpur, manipur a kon ahi. Amahi lekhasim thanom tah chule lekha hetthei chapang phatah jong ahin ahi. Ahin anu, apa natohna neilou, anu jong lampi pamlah a me (vegetable) joh ahin hiche mejoh a suma chu kivah ahijeh uvin insung mi tamte dingin alhingjou pon ahi. Achate jouse lekha asimsah jou lhon tahlou jeh in Eric Singson hi Ebenezer Ministry in kum 2015 a kipat'in amalam hinkho navah theina dingin chopna ahin kinei pan'in ahi.
Dedei hinkho thusim: (Min kikhel)
Dedei hi Lhangkichoi kho, Kangpokpi District, manipur a kona ana peng ahi. Amahi apen lhagup jou a apan jithah aneiya anu le acha hi ana dalhah ahitai. Apan ada lhah jou lhon'a hahsa tah a anutoh hung kivah lhon ahi. Ahung khanlet phat'in School kaithei ahitan, anu natoh na kisuh neilou ahijeh in school asol joulou phatna Ebenezer Ministries India in Dedei hi khoukhah dinga Ebenezer family khatna kisim'a kum 2015 a patna hinki vepan ahitai.
Nehgou hinkho thusim (Min kikhel) :
Nehgou hin Pakai kum February 2nd, 2003 nin christian insunga kona hung peng ahi. Chuleh amahi Sadar Bolkot, Kangpokpi District, Manipur a kon ahi. Amahi polni (2) asimlaiya School fee apehjou loujeh a school a kona hung kinodoh ahin, lekha sim thaset jeh a kino doh ahipoi. Anu, apan lekha simna fee apehpeh jou lhon tahlou jeh a ana kinodoh ahi. Amahin sopi pasal li (4) leh sopi numei ni (2) aneiyin ahi. Pathen jalla insung mi tamte ahijeh un, anu, apa sumlona kitup neilouva, mejoh mai-maiya kivah ahijeh uvin chapang tampi lekha sim ana kithopi joulou phatna, Ebenezer Ministry in kum 2015 a kipatna hin kichom opan ana hitai.
Minhoi thusim chomcha (Min kikhel):
Minhoi hi Christian insunga hung khanglen ahi. Apena kho munhi W. Buning Sadar Hills, Kangpokpi Distrcit, Manipur ahi. Pathen jalla insung mitamte ahiuvin, genthei na jeh in anu, apan a lekha simna phaten akithopi joulou jeh in lekha asimjom thei lou ding dinmun ahung hitan ahi. Apa hi houbung sunga mopohna nei ana hin, chuleh sumle pai holna dinga mistry natoh jong atongin, tahsa damtheina langa jong damtheilou ahijeh in ache theilou niteng insungin hahsatna aneijitauvin ahi. Hijehchun Ebenezer Ministry in Minhoi hi khonunga alampi anavah theina dinga kum 2018 akipatna ana kipanpi a lekha phate cha kihin simsah pan ahitai.
